Մի եկեղեցու պատմություն. ներկայացնում է թուրք պաշտոնյան

Հասարակական07:48, 19 Հունվար 2013

Մի եկեղեցու պատմություն. ներկայացնում է թուրք պաշտոնյան

Թուրքական «Անատոլիա» (Anadolu) լրատվական գործակալության թղթակցին տված հարցազրույցում Կարսի մշակույթի և զբոսաշրջության նահանգային կառույցի ղեկավար Հաքան Դողանայը ներկայացրել է Կարսի Առաքելոց հայկական եկեղեցու ավելի քան հազարամյա պատմությունը:

937 թվականին Բագրատունիների կառուցած Կարսի Առաքելոց եկեղեցին իր գոյության 1076 տարիների ընթացքում 4 անգամ վերածվել է մզկիթի, 1 անգամ` թանգարանի: Այս մասին Վերջինս իր կատարած պատմական անդրադարձում նշել է, որ եկեղեցին առաջին անգամ մզկիթի վերածվել է 1064 թվականին սելջուկների սուլթան Մելիքշահի կողմից: Երկրորդ անգամ մզկիթի է վերածվել օսմանցիների կողմից 1579 թվականին: 1877-1879թթ. ռուս-թուրքական պատերազից հետո Կարսը 40 տարի մնում է ռուսական տիրապետության տակ: Այդ ընթացքում Կարսի Առաքելոցը վերածվում է ուղղափառ եկեղեցու և 1890-ին համալրվում հարևանությամբ կառուցված զանգակատնով, որը, սակայն, քանդվում է 1918-ին: Օսմանցիները Կարսը վերանվաճելուց հետո դարձյալ եկեղեցին դարձնում են մզկիթ:

1970-1990 թվականներին ծառայել է որպես Կարսի էթնոգրաֆիայի թանգարան: Այնուհետև շենքային պայմանների անբավարարության պատճառով դադարել է թանգարան լինելուց: 9 տարի շարունակ մատնվել է անտերության: Կարսի Առաքելոց եկեղեցին չորրորդ անգամ մզկիթի է վերածվում Թուրքիայի հանրապետական շրջանում: Հիմնադրամների միջոցներով վերանորոգվելուց հետո ստանում է մզկիթի կարգավիճակ և մինչև օրս գործում որպես այդպիսին:

Ermenihaber.am