Ջեմալ փաշայի թոռի հեղինակած «Հայոց ցեղասպնություն » գրքի շնորհանդեսը Բեռլինում

Հասարակական08:41, 22 Հունվար 2013

Ջեմալ փաշայի թոռի հեղինակած «Հայոց ցեղասպնություն » գրքի շնորհանդեսը Բեռլինում

Թուրք լրագրող և գրող Հասան Ջեմալի` «1915թ Հայոց Ցեղասպանությունը» գիրքը ներկայացվել է Բեռլինի Հումբոլդի անվան համալսարանում:
Հասան Ջեմալը նշել է, որ գիրքը նվիրվում է 6 տարի առաջ սպանված «Ակոս» շաբաթաթերթի հիմնադիր խմբագրապետ Հրանտ Դինքի հիշատակին: Խոսելով իր ու Հրանտ Դինքի ընկերության մասին` նա հիշեցրել է Հրանտ Դինքի «Ժխտումը կամ ճանաչումը չեն կարևոր, կարևորը գիտակցումն է» խոսքերը:

«Հրանտն առկա և պատմական անարդարության դեմ այրվող իր սիրտը մի օր իմ առաջ բացեց: Ինչպես միշտ անկեղծ էր: Թուրքիայի ժողովրդավարացման հարցը մեր համատեղ խնդիրն էր»,- պատմել է Ջեմալը:

Հեղինակը նշել է նաև, որ գրքում անդրադարձել է Թուրքիայի Հանրապետության ստեղծմանը, ազգայնականությանը և մինչև այսօր առկա քրդական խնդրին և հայկական հարցին: «Ես այս գրքում գրել եմ, թե ինչու են ինչ-ինչ հարցերում փոխվել իմ համոզմունքները, որտեղից ո°ւր են հասել»,- ասել է Հասան Ջեմալը:
Հիշեցնենք, որ Հասան Ջեմալը երիտթուրքական եռապետության անդամներից և Հայոց ցեղասպանության կազմակերպիչներից մեկի` Ջեմալ փաշայի թոռն է:

Ermenihaber.am