Թուրքիայում զոհված հայ երիտասարդի մայր. «Մինչև վերջին շունչս պայքարելու եմ հանուն արդարության»

Հասարակական11:34, 30 Հունվար 2013

Թուրքիայում զոհված հայ երիտասարդի մայր. «Մինչև վերջին շունչս պայքարելու եմ հանուն արդարության»

5 տարի առաջ Թուրքիայի Մարմարիսի շրջանում ավտովթարի հետևանքով զոհված Հայաստանի քաղաքացի 25-ամյա Արթուր Դոքոյանի ընկերներն ու հարազատները այսօր դուրս են եկել փողոց`իրենց բողոքն հայտնելով Դոքոյանի մահվան գործով դատավարության ձգձգման և անարդար վճռի վերաբերյալ:

Արթուր մայրը` Սուսաննա Մարգարյանը լրագրողներին տված հարցազրույցում ասել է, որ վթարից 19 օր անց որդու մահվան մեջ մեղավոր վարորդը ազատ է արձակվել:

«Դատավորությունը 2 տարի տևեց, որից հետո դատավորը անխիղճ վճիռ կայացրեց: Որդուս մահվան մեջ մեղավոր վարորդը 2 տարի 4 ամիս ազատազրկման դատապարտվեց, սա էլ փոխակերպվեց 18 հազա լիրա փոխհատուցման:
Վճիռը բողոքարկեցինք, և հիմա 3 տարի է մեր գործը սպասում է Վճռաբեկ դատարանում»,- ասել է Արթուր մայրը:

Նշենք, որ վճռից դժգոհ Սուսաննա Մարգարյանը զայրացել է և քարեր շպրտել հակառակ կողմին պատկանող աշխատավայրի պատուհաններին, որից հետո Մարգարյանի հանդեպ քրեական գործ է հարուցվել և նրան դատապարտել են 100 օր ազատազրկման :

«Որդուս սպանողը բանտում 18 օր մնաց: Իսկ ես 2 պատուհան կոտրելու համար 100 օր պետք է անազատության մեջ մնամ: Մինչև վերջին շունչս պայքարելու եմ հանուն արդարության: Եթե անհրաժեշտ լինի ամբողջ աշխարհը ձայնս կլսի»,- ասել է Մարգարյանը:

Հիշեցնենք, որ Արթուր Դոքոյանը վթարի է ենթարկվել 2008թ.-ին: Նրա վարած մոտոցիկլը բախվել էր ավտոճանապարհի հակառակ ուղղությամբ երթևեկող միկրոավտոբուսին։

Ermenihaber.am