Թուրք կանայք ցանկանում են ինքնավար պետություն ստեղծել

Հասարակական12:09, 08 Փետրվար 2013

Թուրք կանայք ցանկանում են ինքնավար պետություն ստեղծել

«Կարեկցություն» միության նախագահ Հայրեթթին Բուլանը Թուրքիայի ազգային մեծ ժողովի (ԹԱՄԺ-TBMM) դիմաց լրագրողներին տեղեկացրել է թուրք կանանց` ինքնավար պետություն ստեղծելու պահանջի մասին:

Թուրքական լրատվամիջոցների տեղեկացմամբ` կանանց այս միավորումը հիշյալ պահանջի մասին արդեն գրավոր դիմում է ներկայացրել երկրի խորհրդարան:

Հայրեթթին Բուլանը ընդգծել է, որ Թուրքիայի Հանրապետության հիմնադրումից ի վեր եղել է տղամարդկանց գերիշխանություն: Որպես օրինակ` նշել է երկրի 81 նահանգապետներից միայն մեկի կին լինելու հանգամանքը: Կառավարությունում ևս պատկերը նույնն է. ընդամենը մեկ կին նախարար: Չկա նաև ոչ մի կին դատախազ, նահանգի ոստիկանապետ: 20 տարի շարունակ «Կարեկցություն» միությունն իշխանություններին առաջարկել են սեռերի հանդեպ ցուցաբերվող այդ խտրականությունը վերացնելու վերաբերյալ, բայց բոլորն էլ մնացել են անարձագանք:

«Հետևաբար Թուրքիայի սահմանների ներսում մենք ցանկանում ենք կանանց ինքնավար պետություն հիմնել, որտեղ չի լինի բռնություն, հալածանք, կլինի անվտանգ կյանք»,-ասել է Բուլանը:

Ermenihaber.am