«Rethink Institute» կենտորնի զեկույցը` հայ-թուրքական թեմայով

Հասարակական08:12, 09 Փետրվար 2013

«Rethink Institute» կենտորնի զեկույցը` հայ-թուրքական թեմայով

Թուրքական լրատվամիջոցների տեղեկացմամբ` ԱՄՆ մայրաքաղաքում գործող, Թուրքիայի սոցիալ-քաղաքական խնդիրների ուսումնասիրությամբ զբաղվող «Rethink Institute» զեկույց է պատրաստել Հայաստան-Թուրքիայի հարաբերությունների վերաբերյալ: «Նոր հայացք` հայ-թուրքական մերձեցմանը» վերտառությամբ զեկույցը համահեղինակել են կենտրոնի տնօրեն Ֆեվզի Բիլգինը և հայկական ծագում ունեցող ակադեմիկոս Ելենա Օսիպովան:

Զեկույցում քննության է առնված 1915-ի իրադարձությունները հայկական ու թուրքական տեսանկյուններից: Կողմերին առաջարկվում է Հայոց ցեղասպանության 100-ամյա տարելիցը որպես մերձեցման պատեհ հնարավորություն օգտագործել: Զեկույցում նշված է նաև, որ հայ-ադրբեջանական հակամարտությունն իր բացասական ազդեցությունն է ունեցել Հայաստան-Թուրքիայի հարաբերությունների վրա:

Անդրադարձ է կատարվել նաև հայ-թուրքական կարգավորմանը միտված արձանագրությունների ձախողմանը: Այդուհանդերձ, կարևորվել է մերձեցումը ոչ միայն երկու պետությունների միջև, այլ նաև քաղաքացիական հասարակությունների համատեղ աշխատանքները, ժողովրդական դիվանագիտությունը, գիտական լրագրողական շրջանակների համագործակցությունը:

Ermenihaber.am