Սամաթիայում սարսափը շարունակվում է

Հասարակական09:30, 09 Փետրվար 2013

Սամաթիայում սարսափը շարունակվում է

Մինչ թուրքական ոստիկանությունը որոնում է Ստամբուլի Սամաթիա հայաբնակ թաղամասի հայ տարեց կանանց ահաբեկող անհայտ չարագործին կամ չարագործներին, Սամաթիայում նոր հանցագործություն է տեղի ունենում:

Թուրքական «Hurriyet» օրաթերթը տեղեկացնում է, որ դեկտեմբերին սեփական բնակարանում գազանաբար սպանված 87-ամյա հայուհի Մարիցա Քյուչուքի տան կողքին գտնվող խանութից գողություն է կատարվել: Հանցագործը հեռանալիս թողել է մի գրություն. «Սպանողը ես եմ եղել»:

Հիշեցնենք, որ վերջին երկու ամսվա ընթացքում Սամաթիայում սպանվել է մեկ, բռնության ու ծեծի ենթարկվել երեք հայ տարեց կանայք: Նրանցից մեկի ձախ աչքը ծեծի հետևանքով լրջորեն վնասվել է և կուրանալու վտանգի առաջ է: Հանցագործության մասին լուրերի` մամուլում հայտնվելուց հետո Ստամբուլի ոստիկանությունը խստացրեց անվտանգության միջոցառումները և ուժաղացրեց որոնողական աշխատանքները: Փողոցի տեսախցիկների նկարահանած կադրերի հիման վրա կազմվեց և շրջանառության մեջ դրվեց հանցագործի ֆոտոռոբոտը: Ստամբուլում ավելացվեց պարեկային ծառայություն կատարողների թիվը: Բայց այս ամենը` առայժմ ապարդյուն:

Ermenihaber.am