Թուրքիայի քաղաքացիների 95%-ն «այո» է ասել քրդերի հետ միասին ապրելուն

Հասարակական11:41, 22 Փետրվար 2013

Թուրքիայի քաղաքացիների 95%-ն «այո» է ասել քրդերի հետ միասին ապրելուն

Թուրքիայում հասարակական հարցումներ են անցկացվել թուրքական իշխանությունների և քրդերի առաջնորդ Աբդուլլահ Օջալանի միջև սկսված երկխոսության հեռանկարի կապակցությամբ: Գործընթացը ստացել է «Իմրալը» անվանումը: Դա այն կղզին է, որտեղ ցմահ ազատազրկման է դատապարվել «Քուրդիստանի բանվորական կուսակցության» (ՔԲԿ-PKK) ղեկավար Աբդուլլահ Օջալանը:

Թուրքիայում իշխող «Արդարություն և զարգացում» կուսակցության (ԱԶԿ-AKP) նախաձեռնած սոցհարցումն անցկացվել է երկրի 81 նահանգից 26-ում: Մասնակիցների թիվը կազմել է 5.500 մարդ: Այն հարցին, թե «արդյո°ք հավատում եք, որ թուրք և քուրդ ժողովուրդները սրանից հետո կկարողանան միասին ապրել», մասնակիցների 95 տոկոսը պատասխանել է` այո:

Ըստ «CNNTurk» լրատվական ծառայության` նրանց 51 տոկոսն աջակցություն է հայտնել ահաբեկչությունը վերացնելու նպատակով Օջալանի հետ ընթացող Անկարայի բանակցությունները: Հարցման ենթարկվածների 40 տոկոսը կարծիք է հայտնել, որ բանակցային այդպիսի մի նախաձեռնություն էլ պետք է սկսվի հյուսիսային Իրաքի քրդերի հետ:

Ermenihaber.am