Թուրքական լրատվական գործակալություն. Հայաստանում Թուրքիայի քաղաքացի է առևանգվել

Հասարակական14:11, 26 Փետրվար 2013

Թուրքական լրատվական գործակալություն. Հայաստանում Թուրքիայի քաղաքացի է առևանգվել

Թուրքական «Ջիհան» լրատվական գործակալությունը(CHA) այսօր տեղեկություն է տարածել այն մասին, թե իբր օրեր առաջ Սամսունցի գարծարար Մուստաֆա Դայըօղլուն Երևանում առևանգվել է, և հանցագործները նրան ազատ արձակելու դիմաց պահանջել են 700 հազար ԱՄՆ դոլար փրկագին:

Ըստ աղբյուրի` ՀՀ Ազգային անվտանգության ծառայության աշխատակիցներին հաջողվել է ազատել գործարարին, սակայն նա դեռ գտնվում է Երևանում: Տեղեկատվության մեջ նշվում ,է թե իբր հանցագործ խմբավորման մեջ կան ոստիկաններ:

Մուստաֆա Դայըօղլուի որդին պատմելով, որ հայրը արդեն մոտ մեկ ամիս է գտնվում է Հայաստանում ասել է. «Հայրս փետրվարի 1-ից հանցագործների ձեռքում էր գտնվում: Փեստրվար 7-ին զանգեց ասեց, որ փրկագին են պահանջում : Ժամանակ շահելու համար ասեցի, որ պետք է վարկ վերցնենք: Այնուհետև ինձ զանգեցին ու ասեցին որ նա ազատ է արձակվել»:

Դայըօղլուի որդին «Ջիհան» լրատվական գործակալությանը պատմել է, որ նա եկել է Հայաստան` հորը տեսնելու: Այստեղ իրավապահ մարմինները նրան ասել են ,թե գործարարը, կասկածյալներին ճանաչելու գործընթացի պատճառով, պետք է 8-10 օր մնա Հայաստանում:

«Չնայած այդ ժամկետը լրացել է, բայց հորս ազատ չեն արձակում» ասել է գործարարի որդին ու ավելացրել, որ ինքը այս հարցով դիմել է Թուրքիայի նախագահին:

«Թուրքիայի քաղաքացու գլխին այսպիսի փորձանք է գալիս սակայն մեր նախագահը չի հետաքրքրվոմ: Դիմում եմ մեր հարգելի նախագահին. եթե այս երկրում ապրող մարդը որևէ արժեք ունի, թող նա զանգահարի Հայաստանի նախագահին, և ազատի իմ հորը»:

Ermenihaber.am