Թուրք պատգամավորը խոսել է հայկական սփյուռքի հզորության, թուրքականի` տկարության մասին

Հասարակական13:43, 04 Մարտ 2013

Թուրք պատգամավորը խոսել է հայկական սփյուռքի հզորության, թուրքականի` տկարության մասին

Թուրքիայի ազգային մեծ ժողովի (ԹԱՄԺ-TBMM) արտաքին հարաբերությունների հանձնաժողովի նախագահ Վոլքան Բոզքըրը թուրքական պետական «Անադոլու» լրատվական գործակալության թղթակցի հետ զրույցում անդրադարձել է թուրքական սփյուռքին առնչվող թեմաներին:

Բոզքըրը բացահայտորեն խոսել է հայկական սփյուռքի հզոր լինելու և թուրքական սփյուռքի համեմատությամբ բազմաթիվ առավելություններ ունենալու մասին:

«Հայերը, օտար պետություններում հաստատվելով, կարողացել են լավ հարաբերություններ ստեղծել ու պահպանել: Նրանք մինչևանգամ կարողացել են վերահսկել տվյալ երկրի մեդիադաշտը: Մինդեռ թուրքերը ինչպես որ չեն ասիմիլացվում, այնպես էլ չեն ինտեգրվում տվյալ երկրին»,- նկատել է թուրք պատգամավորը:

Վերջինս դժգոհել է, որ սփյուռքում թուրքերը շատ են սահմանափակվել իրար մեջ, հայերի պես լսելի չեն դարձնում իրենց ձայնը ոչ մեդիայում, ոչ էլ որևէ այլ տեղ: Իսկ եթե փորձում են լսելի դարձնել, ապա դա ուշացած է լինում: Բոզքըրը հորդորել է ուժեղացնել թուրքական սփյուռքի ազդեցությունն ու դիրքերը, քանի որ Եվրոպայում 4մլն թուրքերի առկայությունը լուրջ գործոն է:

Ermenihaber.am