Նոր զարգացումներ Սամաթիայում

Հասարակական09:22, 05 Մարտ 2013

Նոր զարգացումներ Սամաթիայում

Ինչպես ավելի վաղ տեղեկացրել էինք Ստամբուլի Սամաթիա թաղամասում վերջին ամիսներին տարեց հայուհիների վրա պարբերաբար հարձակումներ կատարելու մեջ կասկածվող անձը ձերբակալվել է: Թուրքական մամուլում հայտնված լուրերում նշվում է, որ կասկածյալը 38-ամյա Մուրադ Ն.-ն, ով արմատներով հայ է:
Թուրքական «Աքշամ»(Aksam) պարբերականի տեղեկացմամբ, երբ Մուրաթ Ն.-ին նստեցրել են ոստիկանական մեքենա, նա արտասվել է ու խոստավանել իր մեղքը: Պատմել է, որ սպանել է 84-ամյա Մարիցա Քյուչյուքին և վերջինիս տնից գողացած զարդերն էլ վաճառել է: Սակայն, աղբյուրը նաև տեղեկացնում է, որ երբ Մուրաթ Ն.-ին տեղափոխել են ոստիկանական բաժանմունք, այնտեղ նա դեպքերի վերաբերյալ իր ցուցմունքում հերքել է իր մեղքը` ասելով «նման բան չեմ հիշում»:

Հիշեցնենք, որ միայն վերջին ամիսներին Սամաթիա թաղամասում հարձակման է ենթարկել և տարբեր աստիճանի վնասվածքներ ստացել 4 հայ կին: Իսկ 84-ամյա հայուհի Մարիցա Քյուչուքը դաժանորեն սպանվել էր սեփական բնակարանում:

Ermenihaber.am