Ստամբուլի հայուհիների վրա հարձակվողը տառապում է շիզոֆրենիայով

Հասարակական13:39, 05 Մարտ 2013

Ստամբուլի հայուհիների վրա հարձակվողը տառապում է շիզոֆրենիայով

Պարզվել է, որ Ստամբուլի Սամաթիա թաղամասում վերջին ամիսներին տարեց հայուհիների վրա պարբերաբար հարձակումներ կատարելու մեջ կասկածվող անձը տառապում է շիզոֆրենիայով:

Ինչպես ավելի վաղ տեղեկացրել էինք,Ստամբուլի Սամաթիա թաղամասում վերջին ամիսներին տարեց հայուհիների վրա պարբերաբար հարձակումներ կատարելու մեջ կասկածվող անձը երեկ ձերբակալվել էր: Թուրքական մամուլում նշվում է, որ կասկածյալը հայազգի 38-ամյա Մուրադ Ն-ն է: Հանցագործության վայրում զոհի պայուսակից գտնված մի ծրարի վրա եղել են Մուրադ Ն-ի արյան հետքերը: Սա համարվում է Մուրադ Ն-ին այդ հանցագործությունների մասով մեղադրանք առաջադրելու ամենակարևոր հիմքը:

Ըստ թուրքական «Բուգյուն» (Bugun) օրաթերթի` այսօր անցկացված բժշկական ստուգման արդյունքում պարզվել է, որ Մուրադ Ն.-ն ունի հոգեկան խնդիրներ: Նրա մոտ ախտորոշվել է շիզոֆրենիա:

Հիշեցնենք, որ միայն վերջին ամիսներին Սամաթիա թաղամասում հարձակման է ենթարկել և տարբեր աստիճանի վնասվածքներ ստացել 4 հայ կին: Իսկ 84-ամյա հայուհի Մարիցա Քյուչուքը դաժանորեն սպանվել էր սեփական բնակարանում:

Ermenihaber.am