Էրդողանը մեղադրվում է իր արաբ կնոջը վիրավորելու մեջ

Հասարակական10:53, 11 Մարտ 2013

Էրդողանը մեղադրվում է իր արաբ կնոջը վիրավորելու մեջ

Թուրքական «Հաբեր ա» լրատվական կայքը տեղեկացնում է, որ Թուրքիայի Գլխավոր ընդդիմադիր ուժ համարվող «Ժողովրդահանրապետական կուսակցությունը» (ԺՀԿ-CHP) արձագանքել է Էրդողանի հայտարարություններին՝ դրանք մեկնաբանելով որպես վիրավորանք իր իսկ կնոջ` Էմինե Էրդողանի հասցեին: ԺՀԿ-ի հայտարարության մեջ ասվում է, որ Էրդողանը պետք է ներողություն խնդրի կնոջից:

Խնդրո առարկան Թուրքիայի վարչապետ Ռեջեփ Թայիփ Էրդողանի հետևյալ արտահայտությունն է եղել. «Եթե ես խտրականություն դնեի, ապա ինչո°ւ պիտի ամուսնանայի արաբ աղջկա հետ, չէի ամուսնանա»:

ԺՀԿ նախագահի օգնական Ադնան Քեսքինը, քննադատելով Էրդողանի այդ հայտարարությունը, ասել է. «Էրդողանը ոչ միայն ամուսնությունն առուծախի առարկա դարձնող տրամաբանությամբ իր տեսակետն է մեջտեղ բերել, այլև իր կամքը, ցանկությունը առաջնահերթ դասելով արհամարհել է մեծարգո տիկին Էմինե Էրդողանի ցանկությունը` այդ կերպ վիրավորելով նրա արժանապատվությունը»:

Ermenihaber.am