Էրդողանը դժգոհ է` քրդերը չեն բարձրացրել թուրքական դրոշը

Հասարակական11:01, 22 Մարտ 2013

Էրդողանը դժգոհ է` քրդերը չեն բարձրացրել թուրքական դրոշը

Թուրքիայի վարչապետ Ռեջեփ Թայիփ Էրդողանը դրական է գնահատել Դիրաբեքիրում Նովրուզի տոնակատարությունների ժամանակ ընթերցված քրդերի առաջնորդ Օջալանի կոչը: Սակայն, միաժամանակ Էրդողանը մտահոգություն է հայտնել, որ տոնակատարության ժամանակ Թուրքիայի դրոշ չի եղել:
Հոլանդիայում գտնվող Էրդողանը ,գործընկերոջ հետ համատեղ ասուլիսում անդրադառնալով Դիարբեքիրում տեղի ունեցած ցույցին, նշել է. «Այնտեղ պետք է լիներ Թուրքիայի դրոշը: Որպես Թուրքիայի վարչապետ` կուզենայի պետական դրոշը այնտեղ տեսնել: Սա ուղերձների վրա ստվեր է գցում: Դրոշների բացակայությունը, գործընթացը սադրանքի ենթարկել ցանկացողների համար մի նոր հնարավորություն է: Ցանկանում եմ, որ այս թերությունները վերացվեն և զինաթափումից հետո Թուրքիան հասնի տարիներ շարունակ ձգտած բաղձանքին»:

Հիշեցնենք, որ քրդերի առաջնորդ Աբդուլա Օջալանը, ով ցմահ ազատազրկման է դատապարտված, կոչ է արել իր ղեկավարած «Քուրդստանի բանվորական կուսակցությանը»(ՔԲԿ- PKK) դադարեցնել Թուրքիայի իշխանությունների դեմ պայքարը, զինված խմբավորումները դուրս բերել երկրի տարածքից և երկարամյա հակամարտությունը կարգավորելու համար խաղաղ բանակցություններ սկսել:

«Դիմում եմ միլիոնավոր քրդերի և հայտարարում ՝ բոլոր նրանք, ովքեր զենք են պահում, հեռացե՛ք Թուրքիայից»,- ասվում է Օջալանի ուղերձում, որը ընթերցվել է Դիարբեքիր քաղաքում:

Ermenihaber.am