Թուրք գեներալ. «Իշխանությունները ծաղրում են թուրք ժողովրդին»

Հասարակական10:24, 25 Մարտ 2013

Թուրք գեներալ. «Իշխանությունները ծաղրում են թուրք ժողովրդին»

Թուրքիայի զինված ուժերի Գլխավոր շտաբի նախկին պետ, բանակի գեներալ Իլքեր Բաշբուղը, մեղադրվում է ահաբեկչական կազմակերպություն ղեկավարելու, իր հայտարարություններով «Էրգենեքոնի» գործով ընթացող դատական գործընթացի վրա ազդելու մեջ: Նրա դեմ առաջադրված մեղադրանքի համար պահանջվում է ցմահ ազատազրկում:

Թուրք գեներալը չի ընդունում իրեն առաջադրված մեղադրանքները և իրեն մեղավոր չի ճանաչում: Նա համարում է, որ իշխանությունները նման վարքագծով ուղղակի ծաղրի են ենթարկում թուրք ժողովրդի խելքն ու հիշողությունը:

«2009-ին Տրապիզոնում և 2010-ին ունեցած իմ ելույթներում հանցակազմ չկա, ես ոչ կառավարության դեմ, ոչ էլ դատավարության վրա ազդող խոսք չեմ ունեցել: Ես պայքարել եմ նրանց դեմ, ովքեր գործել են իմ զինվորի բարոյականության դեմ: Եվ այսօր էլ իմ այդ խոսքերի տերն եմ: Դա իմ պարտնք է որպես հրամանատար»,- ասել է Բաշբուղը:

Ermenihaber.am