Վան-Երևան չվերթը կարող է նպաստել զբոսաշրջության զարգացմանը

Հասարակական09:17, 26 Մարտ 2013

Վան-Երևան չվերթը կարող է նպաստել զբոսաշրջության զարգացմանը

Ապրիլի 3-ին Վան-Երևան թռիչքին, որը լայնորեն քննարկվում է հայկական մամուլում, անդրադարձել է նաև թուրքական «Սաբահ օրաթերթը»: Հայերի համար սրբատեղի համարվող Վանի Աղթամար կղզու Սուրբ խաչ եկեղեցու վերաբացումը, որը տեղի ունեցավ 3 տարի առաջ, նպաստել է զբոսաշրջիկների թվի կտրուկ աճին:

Այդ հանգամանքը հետաքրքրություն է առաջացրել ավիաոլորտով զբաղվողների շրջանում: Առաջին քայլը կատարել է «Բորաջեթը» ( Borajet), որը պատրաստվում է սույն թվականի ապրիլի 3-ին առաջին ուղիղ չվերթը իրականացել Վան-Երևան ուղղությամբ: Նախատեսվում է շաբաթական իրականացնել 2 չվերթ` չորեքշաբթի և կիրակի օրերին: Տոմսի արժեքը կլինի 250 ԱՄՆ դոլարից սկսած, իսկ չվերթը կիրականացնեն ATR 72-500 տեսակի ինքնաթիռները:

Թուրքական պարբերականը, նշելով, որ թուրք-հայկական գործարարության զարգացման խորհրդի թուրք համանախագահ Քահան Սոյաքի համոզմամբ տարեկան 400-500 հազար հայ զբոսաշրջիկ կայցելի Վան, մեջբերում է վերջինիս խոսքերը.

«Վանում եկեղեցիներից բացի կան նաև պատմական կառույցներ, որոնց հեղինակները հայերն են: Իսկ Աղթամարն աշխարհի 8 միլիոն հայերի համար ուխտատեղիի նշանակություն ունի: Այս չվերթները կարող են առիթ լինել զբոսաշրջության զարգացմանը Վանի նահանգում: Կարծում եմ, որ ինքնաթիռները դատարկ չեն մնա, իսկ հյուրանոցները լեփ-լեցուն կլինեն»:

Ermenihaber.am