Թաթյոս Բեբեք. «Թուրքիայում պետք է լինի հայ համայնքապետ, հույն ոստիկան, հրեա սպա»

Հասարակական09:09, 12 Ապրիլ 2013

Թաթյոս Բեբեք. «Թուրքիայում պետք է լինի հայ համայնքապետ, հույն ոստիկան, հրեա սպա»

Թուրքական «Բիանեթ» լրատվական կայքը հարցազրույց է անցկացրել Թուրքիայի ազգությամբ հայ քաղաքացի, հայկական համայնքի առաջատար ներկայացուցիչներից Թաթյոս Բեբեքի հետ: Անդրադարձ է եղել Թուրքիայի աշխարհիկությանը, սահմանադրական բարեփոխումներին, հասարակական կյանքի բարելավմանը:

Թաթյոս Բեբեքը, նշել է, որ ազգային փոքրամասնությունների հարցը տակավին չլուծված է մնում Թուրքիայում: Բոլոր քաղաքացիների իրավահավասարության մասին խոսքերն ու ձևակերպումները մնացել են օրենքների մեջ ու թղթերի վրա: Մինչդեռ պետք է դրանք իրական կյանքում դրսևորվեին:

«Կարիք կա, որ դրանք թղթի վրայից կյանքի կոչվեն ու դրսևորվեն գործնականում»:

Սահմանադրական նախապատրաստվող բարեփոխումների վերաբերյալ Բեբեքը հույս է հայտնել, որ բարեփոխումներից հետո սահմանադրությունը կապահովի Թուրքիայի բոլոր քաղաքացիների հավասարությունն ու իրավահավասարությունը` անկախ ազգային պատկանելությունից: Չեն լինի խտրականություններ ոչ մի հարցում:

«Արդեն ժամանակն է: Օրինակ` պետք է մի հայ լինի համայնքի ղեկավար, մի հույն` ոստիկան, մի հրեա` սպա, մի սիրիացի` խորհրդական»,- նշել է Բեբեքը:

Ermenihaber.am