Մելիսա Բոզ. « Թուրքիայում դեռևս կան արգելքի տակ պահվող արխիվներ 1915-ի մասին »

Հասարակական14:08, 16 Ապրիլ 2013

Մելիսա Բոզ. « Թուրքիայում դեռևս կան արգելքի տակ պահվող արխիվներ 1915-ի մասին »

Եվրոպային ուսանողների ֆորումը (AEGEE) Անկարայի իր մասնաճյուղի միջոցով Միջին արևելքի տեխնիկական համալսարանում կազմակերպել է «Խաղաղության գործընթացը և հայերը» խորագրով քննարկում:

Ինչպես հայտնում է թուրքական «Բիանեթ» լրատվական կայքը, քննարկումներին ներկա են եղել Դիարբեքիրի պատգամավորը, ստամբուլահայ հայտնի լրագրող Հայոկ Բաղդատը, Թուրքիայի պետական հեռուստաընկերության հայկական բաժնի ղեկավար Մելիսա Բոզը և ուրիշներ:

Առաջինը ելույթով հանդես է եկել Մելիսա Բոզը, ով իր խոսքի սկզբում ընդգծել է այն հանգամանաքի կարևորությունը, որ եթե իսկապես խաղաղության գործընթաց կա, ուրեմն հայ բառը Թուրքիայում չպետք է հասկացվի իբրև վիրավորանք:

«1915-ի մասին խոսելիս` «ես չեմ արել» վարքագիծ ցուցաբերելուց առաջ մենք պետք է հասկանանք, թե 1915-ը ինչ պատմություն է: Դրա համար պետք է բացվեն արխիվները: Թուրքիայում դեռևս կան արգելքի տակ պահվող արխիվներ: Քանի դեռ դրանք փակի տակ են, չեմ կարծում թե խաղաղության գործընթաց կա»:

Հայկո Բաղդատն էլ իր հերթին նշել է, որ ներկայիս Թուրքիայի տարածքներում հին չորս ժողովրդից երեքն այսօր գրեթե չկան` հայերը, հույները և ասորիները:

«Այս հողերի վաղնջական ժողովուրդներին ոչնչացնելու, այսչափ հայհոյելու և նրանց հանդեպ թշնամություն սերմանելու մշակույթի մեջ մենք ինչպես ենք հաջողացնելու ապրել, վստահեցնում եմ` չենք հաջողի»,- ասել է Հայոկ Բաղդատը:

Ermenihaber.am