Հակահայ հերթական կոնֆերանս Թուրքիայում

Հասարակական10:07, 19 Ապրիլ 2013

Հակահայ հերթական կոնֆերանս Թուրքիայում

Թուրքիայի «Ուլուդաղ» համալսարանում կազմակերպվել է Հայկական հարցին նվիրված կոնֆերանս: Մասնակիցների թվում է եղել «Մարմարա» համալսարանի պրոֆեսոր Բյուլենթ Բաքարը, որի ելույթը նվիրվել է Հայոց ցեղասպանության հերքմանը ու թուրքերին զոհի կերպարի մեջ դնելու ջանքերին:

Թուրք պրոֆեսորը մեղադրել է Ռուսաստանին, Ֆրանսիային, Մեծ Բրիտանիային և Իտալիային հայկական գործոնը օգտագործելու և Օսմանյան պետության դեմ արշավ իրականացնելու մեջ: Թուրքական իշխանությունների հրահանգով տեղահանության ու սպանդի ենթարկված արևմտահայության ցեղասպանությունը շրջանցելով` Բաքարը որպես զոհեր է ներկայացրել Օսմանյան բանակի զինվորներին:

«Տեղահանության ընթացքում վարակիչ հիվանդությունների պատճառով բազմաթիվ օսմանցի զինվորներ մահացան»:

Նկատենք, որ այս կերպ թուրք պրոֆեսորը փորձել է Ցեղասպանության հանցագործի մեղավորությունն ու պատասխանատվությունը Թուրքիայի վրայից շեղել դեպի եվրոպական երկրներ, իսկ զանգվածային ջարդերի ենթարկված իրական զոհերի փոխարեն որպես զոհ ներկայացնել հիվանդություններից ոչնչացված օսմանցի զինվորներին:

Ermenihaber.am