Քնեսեթի նախկին նախագահ. « Թեև Թուրքիայի հետ բարեկամներ ենք, բայց այլ ազգերի ողբերգությունը չենք կարող անտեսել»

Հասարակական09:32, 23 Ապրիլ 2013

Քնեսեթի նախկին նախագահ. « Թեև Թուրքիայի հետ բարեկամներ ենք, բայց այլ ազգերի ողբերգությունը չենք կարող անտեսել»

Ավելի վաղ տեղեկացրել էինք, որ ապրիլի 23-ին Իսրայելի խորհրդարանում` Քնեսեթում, նախատեսված է քննարկման դնել Հայոց ցեղասպանության ճանաչման հարցը:

Թուրքական «Timeturk« լրատվականը, հղում անելով իսրայելական «Haaretz» թերթին, իր «Իսրայելի` Թուրքիային զայրացնող քայլը» վերտառությամբ հրապարակման մեջ գրում է, որ Իսրայելը ցեղասպանության հարցը օրակարգ է բերում «հատուկ» դեպքերում: Հիշեցվում է, որ վերջին անգամ այդպես եղել է Գազա ուղևորված «Ազատություն» նավատորմի թուրքական «Մավի Մարմարա» նավի վրա գործած հարձակման մասին զեկույցի հրապարակումից մեկ օր առաջ:

Հրապարակման մեջ նշվում է նաև, թե Քնեսեթի նախկին նախագահը` Ռեվեն Ռիվլինը, հանդես է եկել ուշագրավ հայտարարությամբ, ասելով. Թեև Թուրքիայի հետ բարեկամություն ունենք, բայց որպես մարդ և որպես հրեա, այլ ազգերի ողբերգությունը չենք կարող անտեսել»:

Ermenihaber.am