Թուրք նախարար. «Անատոլիայից դուրս եկածները Թուրքիայի սփյուռքն են»

Հասարակական07:38, 01 Մայիս 2013

Թուրք նախարար. «Անատոլիայից դուրս եկածները Թուրքիայի սփյուռքն են»

Թուրքիայի մշակույթի և զբոսաշրջության նախարար Օմեր Չելիքը 1915 թվականի դեպքերի վերաբերյալ հարցազրույց է տվել Թուրքիայի հայկական Ակօս թերթին: Չելիքը, քննադատելով Թուրքիայի հիմնադրման գաղափարաբանությունը, ասել է. «Նույնիսկ թուրքերի հիշողության հետ չհամատեղվող մի թուրքականություն և ազգայնականություն է արտադրվել: Դրանք թուրքերի աշխարհայացքի մեջ գոյություն չունեցած մի սինթետիկ թուրքականության անունից պետության մեջ բազմաթիվ կոտորածներ են իրականացրել: Սրանք անողները պատասխանատու են թուրքականության և Անատոլիայի հանդեպ»:

Թուրք նախարարը անդրադառնալով Հայոց ցեղասպանությանը նշել է, որ հայկական սփյուռքի կողմից «ցեղասպանության պնդումները» գաղափարախոսության վերածվել: Չելիքը նշելով, որ Թուրքիայի բոլոր փոքրամասնությունները տրավմայի են ենթարկվել, ասել է. «Անատոլական ծագում ունեցող հայերից ստեղծված սփյուռքը Թուրքիայի սփյուռքն է: Պետությունը ստեղծելիս ազգային պետության տրամաբանությունը միատարր պետության ստեղծում էր պահանջում: Այդ կառույցի մեջ ոչ մի կոնֆլիկտային տարր չպիտի լիներ: Դա նույնիսկ թուրքերի մտածողության հետ կապ չունեցող ազգայնականություն ու թուրքականություն էր»: