Արամ Աթեշյանի խոսքերը բարկացրել է թուրքերին

Հասարակական09:58, 04 Մայիս 2013

Արամ Աթեշյանի խոսքերը բարկացրել է թուրքերին

Իգդիրի «Հայկական անհիմն պնդումների դեմ պայքարի միության» (ASİMDER) նախագահ Գյոքսել Գյուլբեյը արձագանքել է Պոլսո հայոց պատրիարքի փոխանորդ Արամ արքեպիսկոպոս Աթեշյանի օրեր առաջ արած հայտարարությանը, ըստ որի, Թուրքիայում 100 հազարից ավելի ծպտյալ հայ կա:

Գյուլբեյի փոխանցմամբ` Թուրքիայի քաղաքացիներին, մուսուլմաններին ծպտյալ հայ ասելով, տարբեր քաղաքների անուններ տալով` գաղտնազերծելու նպատակը իրենց մոտ որոշ կասկածանքների տեղիք է տալիս:
«Հայ պատրիարքը, ով ասում է, թե ծպտյալ կոչվող հայերը իրենց ինքնությունը բացահայտում են, նշում է, որ այդ ուսումնասիրության արդյունքում բացահայտված, հաստատված հայակական ընտանիքների երեխաներին արտասահման` Ֆրանսիա, Լիբանան են ուղարկում կրթություն ստանալու համար: Հետաքրքիր է` ինչ նպատակ են հետապնդում կրթության ուղարկելով այդ 2 երկրներ, որտեղ հայկական ուժեղ սփյուռք կա: Հայ համայնքի ղեկավարի շուրթերից ելած խոսքերը ապացուցում են, որ Թուրքիայի քաղաքացի և որպես մուսուլման պարզ կյանքով ապրող ընտանիքերի երեխաները նետվում են հայկական սփյուռքի գիրկը, ինչն էլ իրականացվում է հայոց եկեղեցու և հայկական ֆոնդերի միջոցով»- հայտարարել է «ԱՍԻՄԴԵՌ»-ի նախագահ Գյուլբեյը` նշելով, որ զրպարտություն է մի քաղաքի գրեթե անբողջ բնակչությանը հայ անվանելը:

Ermenihaber.am