Պատրիարքարանի գրավոր հայտարարությունը հայկական եկեղեցու մոտ տեղի ունեցած դեպքի մասին

Հասարակական12:17, 07 Մայիս 2013

Պատրիարքարանի գրավոր հայտարարությունը հայկական եկեղեցու մոտ տեղի ունեցած դեպքի մասին

Պոլսի հայոց պատրիարքարանը գրավոր հայտարարություն է տարածել մայիսի 5-ին Գեդիքփաշա թաղամասի հայկական Սբ Հովհաննես եկեղեցում տարածքում պատարագի ժամին հրազենից օդ կրակելու դեպքի առնչությամբ:

«Պատրիարքարանը և պատրարքարանի եկեղեցու վրա որևէ զինված հարձակում տեղի չի ունեցել: Ստացված տեղեկության համաձայն` միջադեպը եղել է Գեդիքփաշա թաղամասի եկեղեցուն հարող փողոցում: Երկու կամ երեք հոգի փողոցով անցնելիս օդ են կրակել ատրճանակից: Դեռևս հստակություն մտցված չէ` արդյո°ք այդ դեպքն առնչություն ունի եկեղեցու հետ, թե° ոչ: Հետաքննություն սկսած անվտանգության ուժերը կասկածյալներին ձերբակալելու ուղղությամբ շարունակում են աշխատանքները»,- ասված է հայտարարության մեջ:

Հիշեցնենք, որ նախօրեին Թուրքիայի ոստիկանությունը ձերբակալվել է 2 կասկածյալի, որոնցից մեկը` 15, մյուսը 17 տարեկան է: Ըստ նախնական տեղեկությունների` հարցաքննության ընթացքում պարզվել է, որ նրանցից մեկը ծագումով հայ է:

Պատանիներն իրենց ցուցմունքներում նշել են, որ ընդամենը ցանկացել են փորձարկել նոր գնած ատրճանակը: Նշվում է, որ ոստիկանությունը դեռ շարունակում է միջադեպին առնչվող երրորդ անձի հետախուզումը:

Ermenihaber.am