Թուրքիայում ապրող հայաստանցի Հերմինեն արժանացել է «տարվա մայր» տիտղոսին

Հասարակական08:04, 13 Մայիս 2013

Թուրքիայում ապրող հայաստանցի Հերմինեն արժանացել է «տարվա մայր» տիտղոսին

Թուրքիայում ապրող հայաստանցի Հերմինե Դալմազյանը ճանաչվել է «տարվա մայր»: Հերմինե Դալմազյանը` ներկայումս Այշե Շիմշեքը, տարիներ առաջ ամուսնացել է ազգությամբ թուրք Մուհամեդ Ալի Շիմշեքի հետ և բնակություն հաստատել Թուրքիայի Քելեր գյուղում: Հերմինեն ստանձնել է Ալիի հիվանդ մորը և առաջին կնոջից ունեցած 4 երեխաներին խնամելու պարտականությունը: Հենց այս պատճառով էլ Քելեր գյուղի գյուղապետարանի կողմից անցկացվող ծրագրի շրջանակներում նա արժանացել է «տարվա մայր» տիտղոսին:

Հերմինեն Ալիի հետ ծանոթացել է Տրապիզոնում ապրող քրոջը կատարած այցելության ժամանակ: Հերմինեն Ալիի հետ ամուսնանալու համար ընդունել է մահմեդականություն և վերցրել Այշե անունը: Համատեղ կյանքի ընթացում նրանք ունեցել են ևս 2 երեխա:Մուհամեդ Ալի Շիմշեքի առաջին կինը մահացել է 9 տարի առաջ գյուղում տեղի ունեցած ջրհեղեղի ժամանակ:

Ermenihaber.am