Հայ-թուրքական հարաբերություններին նվիրված համաժողով Թուրքիայում

Հասարակական12:09, 21 Մայիս 2013

Հայ-թուրքական հարաբերություններին նվիրված համաժողով Թուրքիայում

Թուրքիայի Գազիանթեփ (Այնթափ) համալսարանի հասարակագիտական ուսումնասիրությունների ասոցացիայի երիտթևին անդամակցող ուսանողների կողմից կազմակերպվել է հայ-թուրքական հարաբերություններին նվիրված համաժողով: Այն կրել է «Հայ-թուրքական հարաբերութությունները` պատմական փաստաթղթերի լույսի ներքո» խորագիրը: Համաժողովին մասնակցել են դասախոսներ և մեծ թվով ուսանողներ:

Ելույթով հանդես է եկել Սելչուկ համալսարանի դասախոս, դոցենտ Ֆերուդուն Աթայը, ով նշել է, որ երկու ազգերը 11-րդ դարից մինչև 19-րդ դարը բավականին լավ հարաբերություններ են ունեցել: Ըստ նրա` հայերը թուրքական տիրապետության ժամանակ բարգավաճել են: Ավելին, հայերը կարողացալ են հասարակական բարձր դիրքեր զբաղեցնել, զբաղվել են ոսկերչությամբ, աչքի են ընկել բժշկության ոլորտում, ֆինանսատնտեսկան տեսանկյունից բավականին ազդեցիկ են եղել և այլն:

Ֆերուդուն Աթայը մեղադրել է մեծ տերություններին հայ-թուրքական հարաբերությունների մեջ սեպ խրելու համար: «Նրանց նպատակն է եղել ստեղծել անկախ Հայաստան: Ահա թե ինչու 1890-1914թթ. հայերը թուրքական տիրապետության դեմ ավելի քան 40 ապստամբություն են բարձրացրել»,- ասել է նա:

Ermennihaber.am