Էրդողանի տունը հսկող անվտանգության ուժերն ավելացվել են

Հասարակական10:33, 01 Հունիս 2013

Էրդողանի տունը հսկող անվտանգության ուժերն ավելացվել են

Թուրքական «Զաման» թերթը տեղեկացնում է, որ Թաքսիմի հրապարակում տեղի ունեցած դեպքերից հետո վարչապետ Ռեջեփ Թայիփ Էրդողանի տան հսկողությունը ուժեղացվել է:

Թաքսիմում սկսված և ամբողջ Թուրքիայում տարածված Գեզի զբոսայգու համար բողոքի ակցիաները ստիպել են իրավապահ մարմիններին, որպեսզի վարչապետի Ուսկուդարում գտնվող տան անվտանգության համար միոջցառումները խստացնել: Նշվում է, որ ոստիկանական միավորների հետ միասին հերթապահություն է անում նաև հրշեջների խումբը:

Հիշեցնենք, որ Թուրքական իշխանությունների որոշմամբ Թաքսիմ հրապարակի հարևանությամբ գտնող Գեզի զբոսայգին պետք է քանդվի, իսկ ծառերը կտրվեն, ինչն առաջացրել է բնապահպանների և հասարակ քաղաքցիների դժգոհությունը:
Թաքսիմի հրապարակում մայիսի 28-ից սկսված բողոքի ցույցերը, ի պաշտպանություն Գեզի զբոսայգու պահպանման, իրենց գագաթնակետին են հասել մայիսի 31-ին:

Թուրքական «Հաբերա» լրատվական կայքը տեղեկացնում է, որ մայիսի 31-ին ցուցարարների նկատմամբ ոստիկանության կողմից ուժի (արցունքաբեր գազի և ջրցան մեքենաններ) կիրառման հետևանքով բազմաթիվ մարդիկ ստացել են տարբեր աստիճանների վնասվածքներ:
Ոչ պաշտոնական տվյալները տեղեկացնում են, որ կան հարյուրավոր վիրավորներ, անգամ զոհեր:

Տեղեկացնենք, որ այսօր նույնպես շարունակվում են բողոքի ակցիաները: Նշվում է, որ Ստամբուլի տարբեր մասերից քաղաքացիները քայլերթով գնում են դեպի Թաքսիմի հրապարակ, ինչի պատճառով փակ են մի շարք ճանապարհներ:

Ermenihaber.am