Աբդուլ Համիդի թոռը վիրավորված է. սուլթանի պատկերով շշեր են ձևավորվում Թուրքիայում

Հասարակական11:18, 05 Հունիս 2013

Աբդուլ Համիդի թոռը վիրավորված է. սուլթանի պատկերով շշեր են ձևավորվում Թուրքիայում

Թուրքիայի Բուրսա քաղաքում գործող գինեգործական մի ընկերություն օսմանյան սուլթանների անուններն ու նկարներն օգտագործում է շշերի ձևավորման համար: Սա մեծ դժգոհություն է առաջացրել սուլթան Աբդուլ Համիդ 2-րդի թոռ Շեհզադե Օսմանօղլուի մոտ: Նա մտադիր է դիմել դատարան, համարում է, որ այդ արարքով գինեգործական ընկերությունը վարկաբեկում է սուլթան պապերին:

«80 տարի շարունակ մեր պատմությունը սխալ է ներկայացվում, դա կարծես քիչ էր, դեռ մի բան էլ սերիալներում է սխալ ներկայացվում: Հիմա էլ խմիչք արտադրող ընկերոոթյունն է մեր պապերի անունը սևացնում: Դա առնվազն անդաստիարակություն է:»,- ըստ «Զաման» օրաթերթի` Բուրսայում հրավիրած մամուլի ասուլիսի ժամանկ ասել է Աբդուլ Համիդ 2-րդի թոռը:

Վերջինս իշխանություններին կոչ է արել օսմանյան 36 սուլթաններին օրենքով պաշտպանելու իրավական նորմ ստեղծել:

Հիշեցնենք, որ օսմանյան 34-րդ սուլթան Աբդուլ Համիդ 2-րդը կառավարել է 1876-1909թթ.: Պատմության մեջ մտել է որպես «արյունոտ սուլթան»:

Ermenihaber.am