Թուրքիայի փոխվարչապետը ներողություն է խնդրել

Հասարակական09:18, 05 Հունիս 2013

Թուրքիայի փոխվարչապետը ներողություն է խնդրել

Թուրքիայի վարչապետի տեղակալ Բյուլենթ Արընչը Ստամբուլի Գեզի զբոսայգու դեպքերի առնչությամբ մամուլի ասուլիս է հրավիրել:
«Առաջին իրադարձությունների ժամանակ բնապահպանական մղումներով շարժվող անձանց դեմ կիրառված չափը գերազանցող ուժը սխալ էր, ոչ իրավացի: Մեր այդ քաղաքացիներից ներողություն եմ խնդրում: Սա կարող եմ հանգիստ ասել, սակայն չեմ կարծում, որ պետք է փողոցներում ավերածություններ անողներից, մարդկանց ազատությունները սահմանափակողներից ներողություն խնդրենք»:

Խոսելով արտասահմանյան լրատվամիջոցներում թուրքիական դեպքերին կատարվող անդրադարձների մասին` Արընչը ափսոսանք է հայտնել, որ օտարերկրյա մամուլը ապատեղեկատվություն է տարածում: «Ըստ իս` սա Թուրքիայի նկատմամբ թշնամական դիրքորոշում է»,- նշել է Արընչը:

Ասուլիսի ժամանակ Արընչը հայտնել է, որ դեռևս այգու վերաբերյալ հստակ որոշում չկա: «Միայն հետիոտների համար նախատեսված նախագիծ կա, որը վերաբերում է Թաքսիմի հրապարակին, սակայն Գեզի զբոսայգու և հրետանային զինանոցի ճակատագրի հարցում տարատեսակ կարծիքներ կան, որոնք դեռևս քննարկման մակարդակում են: Իհարկե, կարող եմ ասել, որ այս զգացմունքայնությունը հաշվի առնելով, վճռական որոշում կկայցնենք: Նախևառաջ դատարանի որոշումը կքննենք, այնուհետև որոշակի ծրագիր առաջ կքաշենք»,-նշել է փոխվարչապետը` հայտելով, որ ծրագիրը կքննարկեն բոլոր շահագրգիռ կողմերի հետ:

Ermenihaber.am