Հռոմի պապը Հայոց ցեղասպանությունը որակել է 20-րդ դարի 1-ին ցեղասպանություն

Հասարակական18:46, 06 Հունիս 2013

Հռոմի պապը Հայոց ցեղասպանությունը որակել է 20-րդ դարի 1-ին ցեղասպանություն

Հունիսի 3-ին Հռոմի պապ Ֆրանցիսկոսն ընդունել է հայ Կաթողիկե եկեղեցու առաջնորդ Ներսես Բեդրոս XIX պատրիարքին և նրա հետ Հռոմ ժամանած պատվիրակությանը:

Հանդիպման ընթացքում պատվիրակության ներկայացուցիչները հայտնել են, որ իրենք Հայոց ցեղասպանության զոհերի ժառանգներն են: Հռոմի պապն, ի պատասխան, ասել է. «20-րդ դարի առաջին Ցեղասպանությունը հայերի նկատմամբ է իրականացվել»:

Թուրքական «Սամանյոլուհաբեր» լրատվական կայքը, գրելով վերոնշյալի մասին, նշել է, որ այսպիսով Հռոմի պապը 1915 թվականի դեպքերը առաջին անգամ որպես ցեղասպանություն ճանաչեց:

Լրատվական կայքը հիշեցրել է նաև, որ ներկայիս պապը Բուենոս Այրեսի արքեպիսկոպոս եղած ժամանակ գրված գրքում հանդես է եկել Հայոց ցեղասպանության օգտին:

Նշենք որ Ֆրանցիսկո պապը դեռ 7 տարի առաջ Հայոց ցեղասպանության զոհերի հիշատակին իրականացված միջոցառման ժամանակ Թուրքիային կոչ էր արել ճանաչել Հայոց ցեղասպանությունը` օսմանյան պետության արարքը համարելով ծանր հանցագործություն հայ ժողովրդի առջև:

Ermenihaber.am