Գեզի զբոսայգու համար պայքարող ցուցարարները` ընդդեմ գլխաշորավոր կանանց հանդեպ բռնության

Հասարակական07:55, 08 Հունիս 2013

Գեզի զբոսայգու համար պայքարող ցուցարարները` ընդդեմ գլխաշորավոր կանանց հանդեպ բռնության

Ստամբուլի թաղամասերում գլխաշորավոր կանանց հանդեպ բռնությունն արաժանացել է Գեզի զբոսայգու համար պայքարող ցուցարար կանանց ուշադրությանը:

Ինչպես տեղեկացնում է թուրքական «Ռադիքալ» օրաթերթը, Դոլմաբահչեում հավաքված 50 կին «Ոչ` գլխաշորավոր ու գլխաբաց կանանց դեմ գործադրվող բռնությանը» կարգախոսով բողոքի քայլերթ են իրականցրել: Կանայք քայլել են Դոլմաբահչեից մինչև Թաքսիմ` ձեռքներին «Թաքսիմը մերն է, պողոտան մերն է» գրությամբ պաստառներ:

Թաքսիմում կանայք հանդես են եկել հետևյալ հայտարարությամբ. «Մենք Թաքսիմի անհնազանդությանը մասնակցող և չմասնակցող մահմեդական կանայք ենք: Դեմ ենք կանանց հանդեպ գործադրվող բռնությանը: Հավատքի և հագուկապի պատճառով կանանց դեմ ուղղված վանկարկումներին դեմ ենք: Հահոյախառը քարոզչություն չենք ցանկանում լսել: Ոստիկանության կողմից ուժի գործադրում չենք ուզում տեսնել: Թաքսիմը բոլորինս է, պողոտան բոլորինս է, Գեզին բոլորինս է»:

Ermenihaber.am