Էրդողան. «Ես քաղաքապետ եղած մարդ եմ, գիտեմ` կանաչն ինչ է»

Հասարակական08:28, 08 Հունիս 2013

Էրդողան. «Ես քաղաքապետ եղած մարդ եմ, գիտեմ` կանաչն ինչ է»

«Գլոբալ հարցերի դեմ Թուրքիայի և ԵՄ-ի համատեղ ապագա» համաժողովում ելույթ է ունեցել Թուրքիայի վարչապետ Ռեջեփ Թայիփ Էրդողանը: Թուրքական «Վաթան» թերթի փոխանցմամբ` ելույթի ժամանակ վարչապետը դիմել է Գեզի զբոսայգու ցուցարարներին. «Ես գիտեմ, թե ինչ է նշանակում կանաչապատում: Ձեր վարչապետի հետ համատեղ արե´ք… Գիտեմ, թե ինչ են իրենցից ներկայացնում պատմությունը, մշակույթը, կանաչ տարածքը: Ես մի մարդ եմ, ով ժամանակին քաղաքապետ է եղել… Առանց այդ էլ հրետանային զորանոցի փոխարեն առևտրի կենտրոն կառուցելը հնարավոր բան չէ»:

Թուրքիայի կառավարության ղեկավարն ընդգծել է Գեզի զբոսայգու դեպքերի վերաբերյալ նախորդ օրերին հայտնած իր տեսակետը:

«Վերջին օրերին տեղի ունեցող Գեզիի դեպքերը թող ոչ մեկին թյուրիմացության մեջ չգցեն: Այստեղ սարսափելի ապատեղեկատվություն կա: Սոցցանցերը վախենալու աստիճան սուտ արշավ են սկսել: Ապացույցները ձեռքիս տակ են»:

Ermenihaber.am