Greenpeace-ը կոչ է անում Էրդողանին հանդիպումից առաջ դադարեցնել ուժի կիրառումը

Հասարակական08:04, 12 Հունիս 2013

Greenpeace-ը կոչ է անում Էրդողանին հանդիպումից առաջ դադարեցնել ուժի կիրառումը

Թուրքիայի վարչապետ Ռեջեփ Թայիփ Էրդողանը Գեզի զբոսայգու իրադարձությունների առնչությամբ հանդիպումներ է անցկանցելու:

Լրագրող Հայկո Բաղդադը և Greenpeace-ի ղեկավար Հիլալ Աթըջըն հայտարարել են, որ չեն մասնակցելու այսօր կայանալիք հանդիպմանը:

Լրագրող Հայկո Բաղդադը թվիթերի միջոցով տեղեկացրել է. «Թաքսիմի համերաշխության կեցվածքին հարիր վաղը կառավարությունում կայանալիք հանդիպմանը չեմ մասնակցելու»:

Իսկ Հիլալ Աթըջըն տեղեկացնելով, որ կառավարության մամուլի ծառայությունից իրեն զանգել և հրավիրել են հանդիպմանը, նույնպես հրաժարվել է վարչապետի հետ հանդիպման առաջարկից` նշելով հետևյալ փաստարկը. «Միջավայրում, որտեղ առկա է ուժ կիրառումը, ուղերձը չի կարող առողջ կերպով հաղորդվել և նորմալ երկխոսություն չի կարող ապահովվել»:
Բացի այդ Greenpeace կազմակերպությունը գրավոր հայտարարություն է տարածել. « Greenpeace-ը խաղաղ և ժողովրդավար միջավայրում լուծմանն ուղղված ամեն տեսակ հանդիպումների համար բաց է: Սակայն մինչև վարչապետի հետ հանդիպելը պետք է դադարեցնել ուժի կիրառումը»:

Ermenihaber.am