Էրդողանը պահանջել էր ցույցերից հեռացնել երեխաներին, բայց ընդհակառակը` մայրերը միացել են զավակներին

Հասարակական07:56, 14 Հունիս 2013

Էրդողանը պահանջել էր ցույցերից հեռացնել երեխաներին, բայց ընդհակառակը` մայրերը միացել են զավակներին

Թուրքական իշխանությունները, ԱԶԿ-ական («Արդարություն և զարգացում կուսակցություն» -AKP) գործիչները, որոնք ամեն կերպ փորձում են հանդարտեցնել Գեզի զբոսայգու շուրջ ծավալվող կրքերը, բազմիցս դիմել են նաև բողոքի ակցիաներին մասնակցող երիտասարդների ծնողներին` զգուշացնելով, որ նրանց կյանքի անվտանգությունը երաշխավորված չէ:
Երեկ Էրդողանը նույնպես դիմել է ծնողներին. «Այնտեղ ապօրինի գործող կազմակերպություններy նկրտումներ են անում: Մայրեր, hայրեր, խնդրում եմ` ձեր երեխաներին տեր կանգնե´ք: Արդեն ավել էլ չենք կարող սպասել»:

Այս հայտարարություններին, կարծես թե, ի պատասխան գործի են անցել երիտասարդների մայրերը:
Թուրքական «Հաբեր ա» լրատվական կայքը հայտնում է, որ երիտասարդներին , որոնք արդեն 18 օր է, ինչ բողոքում են Գեզի զբոսայգին պահպանելու համար, աջակցելու համար զբոսայգի են եկել նրանց մայրերը: Հարյուրավոր մայրեր ասել են, որ զբոսայգի են եկել իրենց երեխաներին տեր կանգնելու և պաշտպանելու համար:
Զբոսայգում «Մայերերն ամենուր են, դիմակայությունն ամենուր է», «Աբդուլլահ Ջյոմերթը մեր զավակն է» վարկանկող մայրերին ծափահարություններով են դիմավորել:

Ermenihaber.am