Մարգար Եսայան. «Ես թուրքահայ համայնքը չեմ ներկայացնում, այլ ` միայն ինձ»

Հասարակական08:04, 25 Հունիս 2013

Մարգար Եսայան. «Ես թուրքահայ համայնքը չեմ ներկայացնում, այլ ` միայն ինձ»

Թուրքական «Հաբերթուրք» հեռուստաալիքով հերաձակվող «Խոսքը քոնն է» հաղորդմանը հյունընկալվել է պոլսահայ լրագրող Մարգար Եսայանը:

Եսայանը հաղորդման ընթացքում հայկական համայնքի վերաբերյալ մասնավորապես նշել է.
«Թուրքիայում ապրող հայերի հանրույթը ընկալվում է որպես մեկ անձ: Ես ո´չ հայկական համայնքն եմ ներկայացնում, ո´չ էլ մեկ ուրիշ այլ բան: Ես միայն կարող եմ ինձ ներկայացնել: Անհատականությունը սա է: Գեզիում երիտասարդների առաջին խմբի առջև առաջացած հարցը հենց սա էր` մի պնդեք, որ ես համայնք եմ ներկայացնում: Իմ ազգային պատկանելիության և տեսակետների մեջ ի՞նչ կապ կա: Նրանք, ում դուր չեն գալիս իմ տեսակտները, ասում են թե այդպես լուսահոգի Հրանտին ցավ եմ պատճառում, թե համայնքին խայտառակում եմ:

Մարդկանց ընկալման մեջ հայերը շարունակում են մնալ որպես հարուստ համայնք, որն ապրում է քաղաքներում և քրիստոնյա լինելով Արևմուտքի հետ ավելի շատ է կապված:

Այս ընդունված տեսակետի պատճառով հայերի վերաբերյալ հետևյալ ենթադրությունն են անում. «Սրանք, անշուշտ, աշխարհիկների հետ միասին մի սանրի կտավ են, բնականաբար, ԱԶԿ-ի ( «Արդարություն և զարգացում կուսակցության») թշնամի պետք է լինեն»: Իսկ եթե ԱԶԿ-ի թշնամի չես, ասում են. «Դու հաստատ ծախված ես»: Սա իսկապես վտանգավոր է»:

Աղբյուր` Ermenihaber.am