Ռասիստական գրառումներ կատարած թուրք մարզիկը` քննադատությունների թիրախում

Հասարակական13:21, 25 Հունիս 2013

Ռասիստական գրառումներ կատարած թուրք մարզիկը` քննադատությունների թիրախում

Լոնդոնի օլիմպիական խաղերի բրոնզե մեդալակիր թուրք ըմբիշ Ռըզա Քայաալփը, ով վերջերս աչքի էր ընկել Գեզի այգու ցուցարարներին ուղղված ռասիստական գրառումներով և դրա համար Թոււրքիայի որոշ շրջանակների կողմից արժանացել քննադատական վերաբերմունքի, այս անգամ էլ հայտնվել է թուրքական «Հյուրիյեթ» թերթի սյունակագիր Մեհմեդ Յըլմազի ուշադրության կենտրոնում:

Անցած շաբաթ Թուրքիայում մեկնարկած Միջերկրածովյան մարզական խաղերի բացման արարողության ժամանակ Թուրքիայի դրոշը տանելու առաքելությունը Քայաալփին վստահվելը ևս մեկ առիթ էր մամուլի համար նրա ռասիստական գրառումներին անդրադառնալու համար: Ստորև ներկայացնում ենք «Հյուրիյեթի» հոդվածագրի ամդրադարձը.

«Միջերկրածովյան խաղերի բացման արարողության ժամանակ թուրք մարզիկների առջևից ընթացող և ազգային դրոշը տանող Ռըզա Քայաալփին տեսնելով հիշեցի բոլոր մարզական հաստատություններում փակցված Աթաթուրքի հետևյալ խոսքերը. «Ինձ սիրելի է խելացի, ճկուն և բարոյական մարզիկը»:

… Մերոնք այս անգամ Ռըզա Քայաալփ անունով ըմբիշին ընտրեցին: Սպորտային հաջողությունը` օլիմպիական խաղերում նվաճած բրոնզը, կարևոր է: Բայց դա չի վերաբերում մնացած բոլոր որակներին: Քանի որ թյուր դաստիարակությամբ մի ռասիստից բացի, ուրիշ տեսակի չի համապատասխանում:

Նրա արածը ամենաքիչը ռասիզմի դրսևորում է և վիրավորանք ցուցարարներին: Եվ այդպիսի մարդու ձեռքը դրոշ են տալիս ու քայլեցնում են թուրք մարզիկների առջևից: Ճիշտը այն կլինի, որ նրա պես ռասիստին այլևս երբեք մարզադաշտ չթողեն»:

Ermenihaber.am