Թուրքիայում պահանջում են պատժել ցուցարար սպանած ոստիկանին (սպանության տեսագրությունը)

Հասարակական08:01, 26 Հունիս 2013

Թուրքիայում պահանջում են պատժել ցուցարար սպանած ոստիկանին (սպանության տեսագրությունը)

Թուրքիայի մի շարք քաղաքներում միաժամանակ կազմակերպվել են ցույցեր` ի հիշատակ Գեզի զբոսայգու պահպանության համար կազմակերպված բողոքի ցույցերի ժամանակ ոստիկանի կողմից սպանված Էթեմ Սարըսուլուքի:

Ստամբուլի Թաքսիմ հրապարակում նախատեսվել էր Էթեմ Սարըսուլուքի վրա կրակած ոստիկանի ազատության մեջ մնալու դեմ բողոքի ակցիա կազմակերպել: Ոստիականական ուժերը, սակայն, փակել են Թաքսիմ հրապարակը` թույլ չտալով ցուցարարներին մուտք գործել հրապարակ: Դա ավելի է բորբոքել քաղաքացիների դժգոհությունը` «մարդասպան ոստիկան պատասխան ես տալու» վերկանկումների տեղիք տալով:

Անկարայում կազմակերպված բողոքի ցույցը նույնպես քննադատում էր մարդասպան ոստիկանի ազատ արձակման որոշումը: Ցուցարարներն էթեմի սպանության վայրում ծաղիկներ են դրել և մոմավառություն կազմակերպել: Ցուցարարները հայտարարել են, որ սա դեռ սկիզբն է, պայքարը շարունակելու են:

Էթեմի հիշատակին նվիրված հավաքին Անկարայում մասնակցել են նաև պատգամավորներ ընդդիմադիր «Ժողովրդահանրապետական», քրդական «Խաղաղություն և ժողովրդավարություն» կուսակցություններից:

Թուրք ցուցարարի սպանության տեսագրությունը`

Ermenihaber.am