«Գորշ գայլեր»-ի գաղափարախոս Թյուրքեշի մահվան պատճառների մեջ փնտրվում է հայկական գործոն

Հասարակական08:16, 28 Հունիս 2013

«Գորշ գայլեր»-ի գաղափարախոս Թյուրքեշի մահվան պատճառների մեջ փնտրվում է հայկական գործոն

Թուրքական «Հաբեր7» կայքը գրում է, որ Թուրքիայում նոր թեզեր են ի հայտ եկել նոր թեզեր` կապված Արփասլան Թյուրքեշի մահվան հետ: Թյուրքեշը «Ազգայնական շարժում» կուսակցության գաղափարախոսներից ու հիմնադիրներից մեկն է: Այս կուսակցությունը համարվում է «Գորշ գայլեր» ահաբեկչական կազմակերպության քաղաքական թևը:

Նոր տեսակետի հեղինակը Ֆաթիհ Թեզջանն է, ով ասում է. «Նշվում է, որ Թուրգութ Օզալը (Թուրքիայի Հանրապետության 8-րդ նախագահ) սպանվել է միջինասիական երկրներ կատարած այցելությունից հետո, սակայն երբեք չենք խոսում, որ Արփասլան Թյուրքեշը սպանվել է Հայաստանի հետ հաստատած կապերից, շփումներից հետո միայն»:

Ֆաթիհ Թեզջանի կարծիքով իմպերիալիստական երկրները երբեք չեն ցանկանա, որ Թուրքիան ոչ սիմետրիկ քաղաքականություն վարի:

Թերթը հիշեցնում է, որ 1997 թ. ապրիլի 4-ին Թյուրքեշի անսպասելի մահից հետո Հայաստանի հետ հարաբերություններում նկատվող ջերմ հարաբերությունները դադարեցին:

Ermenihaber.am