Ցուցարար աղջիկը սեռական ոտնձգության է ենթարկվել թուրք ոստիկանների կողմից

Հասարակական11:03, 29 Հունիս 2013

Ցուցարար աղջիկը սեռական ոտնձգության է ենթարկվել թուրք ոստիկանների կողմից

Թուրքական «Վաթան» թերթը տեղեկացնում է, որ մայրաքաղաք Անկարայում կազմակերպված Գեզի զբոսայգու ցույցերի մասնակիցների նկատմամբ ոստիկանության կիրառած բռնության չափերը և էությունը փոփոխություն է կրել: Դիքմեն պողոտայում տեղի ունեցած ցուցերի պատճառով կալանավորված ուսանողուհի Էյլեմ Ք.-ի նկատմամբ ոստիկանական մեքենայում սեռական ոտնձգություն է կատարվել:

Դեպքը տեղի է ունեցել Դիքմեն պողոտայում:
Հունիսի 27-ին տեղի ունեցած բողոքի ակցիային միջամտել է ոստիկանությունը` արցունքաբեր գազ կիրառելով: Արդյունքում ձերբակալվել էր 11 հոգի, որոնցից մեկը անչափահաս: 11 հոգու մեջ է եղել նաև 31-ամյա Էյլեմ Ք.-ն, որը որպես կասկածյալ ցուցմունք տալով, հայտնել է, որ ոստիկանության կողմից բռնության է ենթարկվել:

«Դիքմենում Գեզի զբոսյագու բողոքի ակցիային էի մասնակցում: Ինձ հետ էր նաև հարևանիս 17-ամյա որդին: Որևէ դեպք կապված բարիկադներ կառուցելու, կրակ վառելու, ճանապարհ փակելու հետ, տեղի չի ունեցել: Ոստիկանությունը առանց ցրվելու մասին զգուշացնելու հարձակում գործեց: Ինձ և ընկերոջս կալանավորեցին: Չնայած որ ընկերս անչափահաս է և մենք ոստիկանությանը որևէ դիմադրություն ցույց չէինք տվել, հարվածեցին ընկերոջս մեջքին և գլխին: Իսկ ինձ նստեցնելով ոստիականական մեքենայի մեջ` իմ նկատմամբ սեռական բնույթի գործողություններ կատարեցին: Ավելի ուշ ինձ տարան ոստիկանական բաժանմունք: Ինձ կալանավորող ոստիկանները հայտնի են, բոլորի դեմ բողոք եմ ներկայացնելու»,- ասել է Էյլեմը:
Երիտասարդ կնոջ փաստաբանը դեպքի վերաբերյալ ասել է. «Իմ պաշտպանյալը ծանր ոտնձգության է ենթարկվել: Նրան սպառնացել են բռնաբարել: Մեր բոլոր իրավունքները պաշտպանելու նպատակով բողոքելու ենք»:
Թերթը տեղեկացնում է, որ այս հայտարարություններից հետո դատախազության որոշմամբ բոլոր կալանավորվածները ազատ են արձակվել:

Ermenihaber.am