Թուրքիայի հակակառավարական ցույցերին միացել են նաև նույնասեռականները

Հասարակական08:41, 01 Հուլիս 2013

Թուրքիայի հակակառավարական ցույցերին միացել են նաև նույնասեռականները

Ստամբուլի Թաքսիմ հրապարակում կազմակերպվել է «բազմազանության երթ», որին մասնակցել են արվամոլներ, լեսբուհիներ, բիսեքսուալներ և տրանսֆիստիտներ: Այս մասին տեղեկացնող թուրքական «Միլլիյեթ» թերթը, վկայակոչելով «BBC»-ին, հայտնում է, որ երթին մասնակցել են տասնյակ հազարավոր մարդիկ, և ենթադրվում է, որ դա մինչև օրս Թուրքիայում կազմակերպված նման բնույթի ամենամեծ երթն է եղել:

Այդ մարդաշատությունը բացատրվում է Գեզիի հետ կապված քաղաքացիական խռովություններով: Երթի մասնակիցները ոչ ավանդական սեռական կողմնորոշումը խորհրդանշող ծիածանի դրոշներ են ծածանել: Նրանք իրենց երթը սկսել են Թաքսիմի հրապարակից և ուղղություն վերցրել դեպի Թյունել հրապարակ:

Երթի ժամանակ հնչել են այնպիսի կարգախոսներ, ինչպիսիք են` «Մի լռիր, գոռա», «Նույնասեռականները գոյություն ունեն», «Սեր, սեր, ազատություն, հեռու մնա ատելություն», «ֆաշիզմի դեմ` ուս ուսի»:

Նշվում է, որ նման երթեր Թուրքիայում սկսել են կազմակերպվել 2003 թվականից Ստամբուլի Իսթիկլալ պողոտայում:

Ermenihaber.am