Թուրքիայում կաշառք է տալիս ամեն 5-րդ քաղաքացին

Հասարակական08:04, 10 Հուլիս 2013

Թուրքիայում կաշառք է տալիս ամեն 5-րդ քաղաքացին

Թուրքիայում բնակվողներից ամեն հինգերորդը կաշառք է տալիս: Այս մասին հայտնում է թուրքական «kanalb» լրատվական կայքը` վկայակոչելով միջազգային անկախ հետազոտողների հրապարակած արդյունքները:

Ըստ աղբյուրի` սոցհարցմանը մասնակցած Թուրքիայի քաղաքացիների կեսից ավելին մտածում է, որ երկրում ավելացել է անօրինկանությունը: Իսկ երբ փորձել են դասակարգել կոռուպցիայի տարածվածությունը, ըստ հերթականության, առաջին հորիզոնականներում հայտնվել են քաղաքական կուսակցությունները: Այնուհետև` մամուլում, կրթական և առողջապահական հաստատություններում, պետական հիմնարկ-հաստատություններում: Ցուցակում տեղ են գտել նաև դատարանները, առողջապահական հաստատություններ և բանակը:

Հարցման ենթարկվածների 21 տոկոսը նշել է, որ տվել է կաշառք: Սա նշանակում է, որ Թուրքիայում միջին հաշվով ամեն 5-րդ մարդը կաշառք է տալիս` փորձելով լուծել իր մասնավոր խնդիրները:

Նշվում է, որ կոռուպցիան վերացնելու համար անհրաժեշտ է, որ կառավարությունը մշակի կանխարգելիչ մեխանիզմներ, իսկ հասարակությունն էլ խուսափի կաշառք տալուց:

Ermenihaber.am