Շինարարական աշխատանքների ընթացքում Թաքսիմում հայտնաբերվել են հայկական գերեզմանաքարեր (լուսանկարներ)

Հասարակական14:50, 15 Հուլիս 2013

Շինարարական աշխատանքների ընթացքում Թաքսիմում հայտնաբերվել են հայկական գերեզմանաքարեր (լուսանկարներ)

Թուրքիայի Թաքսիմ հրապարակի իրականացվող շինարարական աշխատանքների ընթացքում հայտնաբերվել են հայկական գերեզմանաքարեր: Ըստ «Ագոս» թերթի` ստորգետնյա աշխատանքների ժամանակ պեղվել են 16 գերեզմանաքար:

Ստամբուլի հնագիտական թանգարանի հայտարարության համաձայն` ըստ նախնական տվյալների խաչքարները պատկանում են 17րդ դարին: Գերեզմանաքարերի մասին տեղեկությունը հաստատել է նաև Թուրքիայի մշակույթի և զբոսաշրջության նախարար Օմեր Չելիքը:
Ավելի վաղ տեղեկացրել էինք, որ Թուրքիայի մշակույթի և զբոսաշրջության նախարար Օմեր Չելիքը պատասխանել է ընդդիմադիր պատգամավոր Սեզգին Թանրըքուլուի հարցադրմանը` կապված Թաքսիմ հրապարակի պեղումների հետ, ասելով , որ հրապարակում ստորգետնյա խողովակների տեղափոխման աշխատանքների ընթացքում գետնի տակից դուրս են բերվել 16 հայկական գերեզմանաքար, 19-րդ դարով թվագրվող պատի բեկորներ:







Ermenihaber.am