Գեզիի դեպքերը լուսաբանող 59 թուրք լրագրողներ ազատվել են աշխատանքից

Հասարակական10:15, 23 Հուլիս 2013

Գեզիի դեպքերը լուսաբանող 59 թուրք լրագրողներ ազատվել են աշխատանքից

Թուրքիայի լրագրողների միության Ստամբուլի գրասենյակը հայտարարություն է տարածել այն մասին, որ Թուրքիայում Գեզի զբոսայգու ակցիաները լուսաբանելու համար 22 լրագրող աշխատանքից հեռացվել է, իսկ 37-ին` ստիպել են աշխատանքից ազատման դիմում գրել: Հայտարարության մեջ մասնավորապես ասվում է.

«Ոչ թե ժողովրդին, այս իշխանությանը ծառայող մեդիան, որը ապատեղեկատվության վրա հիմնված իր քաղաքականությամբ խախտում են ժողովրդի լրատվություն ստանալու ազատությունը, ներկայումս իր ամենամութ շրջաններից մեկն է ապրում: Ասվում է, որ քաղաքական իշխանությունների` մեդիամագնատների հետ փոխշահավետ հհամագործակցության պատճառով մամուլի վրա բռնությունը օր օրի ավելի է ուժեղանում, լրագրողները հեռացվում են աշխատանքից:

Մեր գործընկերները, դիմակայելով իրենց ղեկավարների և իշխող Արադարություն և զարգացում կուսակցության (AKP-ԱԶԿ) ճնշմանը , ջանացին ժողովրդին ստույգ տեղեկատվություն հասցնել, և դրա գինը վճարեցին` կորցնելով աշխատանքը:

Մեկի ամսագիրը փակվեց, մեկի հեռուստահաղորդումը հանվեց եթերից, մեկի հոդվածը , լուրը գրաքննվեց: Նույնիսկ ունենք գործընկերներ, որոնք թվիթերում կատարած գրառումների համար են աշխատանքից ազատվել: Իսկ մեկին աշխատանքից հեռացրել են` ակտիվիստներից մեկին բարևելու համար:

Դիմում ենք կառավորությանը և մեդիամագնատներին. Անհապաղ վերջ դրեք այս հետապնդումներին ու ճնշումներին: Ինչ էլ որ անեք, այս երկրում միշտ կլինեն լրագրողներ, որոնք հակված են ստույգ տեղեկատվություն տարածելու և պատրաստ են ամեն գնով պայքարել հանուն ժողովրդի տեղեկատվություն ստանալու իրավունքի»:

Ermenihaber.am