Աթաթուրքի նկարը` գրաքննության պատճառ

Հասարակական10:20, 25 Հուլիս 2013

Աթաթուրքի նկարը` գրաքննության պատճառ

Թուրքիայի ռադիո և հեռուստատեսության գլխավոր խորհուրդը (RTÜK) տուգանել է «Քաչքար» հեռուստաալիքին: Պատճառը եղել է Աթաթուրքի մասին փաստագրական ֆիլումում ներկայացվող նկարը, որտեղ Թուրքիայի Հանրապետության հիմնադիրը պատկերված է ծխախոտը ձեռքին:

Տուգանքը դժգոհության ալիք է բարձրացրել, որի հետ կապված RTÜK-ը հայտարարություն է տարածել:
Հայտարարության մեջ ասվում է, որ Թուրքիայի օրենսդրության մի շարք հոդվածների համաձայն, հեռուստատեսությամբ հեռարձակվող հաղորդումներում չի կարելի ծխախոտ օգտագործել:

RTÜK-ը հայտնում է, որ կիրառված պատժամիջոցները հիմնվում են օրենքի դրույթերի վրա` ընդգծելով , որ Մուստաֆա Քեմալ Աթաթուրքի անձի և նրա առաջնորդությանն ուղղված որևէ հարց քննարկման ենթակա չէ:

«Արժե ևս մեկ անգամ հիշեցնել, որ գլխավոր խորհրդի բոլոր որոշումները, այդ թվում նաև վերոնշյալ որոշումը բաց է դատական քննության համար»,-նշված է հայտարարության մեջ:

Ermenihaber.am