Թուրքիայում փոքրամասնություններին գրանցում են գաղտնի ծածկագրով

Հասարակական08:11, 02 Օգոստոս 2013

Թուրքիայում փոքրամասնություններին գրանցում են գաղտնի ծածկագրով

Թուրքիայում հրատարակվող երկլեզու (հայերեն, թուրքերեն) «Ակոս» թերթը հայտնում է , որ Թուրքիայում փոքրամասնությունների համար գաղտնի «ազգության ծածկագրեր» են կիրառվել:
Այս փաստը հայտնի էր դարձել, երբ մի կին, որի ընտանիքը 1915 թվականին բռնի իսլամացվել էր, հայկական եկեղեցում կնքվել էր և ցանկանում էր իր երեխաներին հայկական դպրոց ընդունել: Ընտանիքի փաստաբան Իսմաիլ Ջեմ Հալավուրթը տեղեկացմամբ` նրանք Ստամբուլի նահանգային և Շիշլի քաղաքային կրթության վարչություններին էին դիմել` պահանջելով պաշտոնական գրություն տալ առ այն, որ երեխայի հայկական դպրոց ընդունվելու համար որևէ խոչընդոտ չկա:

Ստամբուլի և Շիշլիի կրթության վարչությունների գրագրությունից հայտնի է դառնում, որ դիմողների համար անհրաժեշտ է իմանալ` արդյո՞ք երեխայի ծնողները դատական որոշմամբ կրոն, անուն, դավանանք փոխել են, թե ոչ և երկրորդ` պետք է պարզեն բնակչության հաշվառման մեջ ազգության գաղտնի ծածկագիրը: Եթե այդ ծածկագիրը 2-ն է, ապա երեխան կարող է ընդունվել հայկական դպրոց:
Թուրքական «Ռադիքալ» թերթն էլ պարզել է, որ, որ «ազգության ծածկագիրը» սկսվել է կիրառվել Լոզանի պայմանագրից հետո: Այդ գաղտնի ծածկագրերը կրառվել են հույների, հայերի և հրեաների համար: Հույների կոդը եղել է 1-ը, հայերին` 2-ը, հրեաներինը` 3-ը:

Թերթը նշում է, որ, փաստորեն, եթե մեկը գրանցված չէ 2-րդ կոդի տակ, ապա չի կարող հայկական դպրոց ընդունվել:

Ermenihaber.am