Հայատյաց գործիչը կոչով դիմել է թուրք մտավորականությանը

Հասարակական11:10, 06 Օգոստոս 2013

Հայատյաց գործիչը կոչով դիմել է թուրք մտավորականությանը

«Հայերի անհիմն պնդումների դեմ պայքարի միություն» (ASİMDER) կոչվող թուրքական կազմակերպության նախագահ Գյոքսել Գյուլբենը օրերս հայ-թուրքական սահմանը հատած և ռուս սահմանապահների կողմից գնդակահարված թուրք հովվի սպանության վերաբերյալ հայտարարությամբ է հանդես եկել:

Ըստ թուրքական «Հաբերյուրդում» լրատվական կայքի` Գյուլբենը դիմել է Թուրքիայի մտավորականներին` ասելով. «Նրանք, ովքեր երեկ ասում էին` «Բոլորս Հրանտ ենք», այսօր կասե°ն «Բոլորոս Մուստաֆա ենք»:

Նշենք, որ սպանված թուրք հովվի անունը Մուստաֆա Ուլքեր է:

Գյուլբենըիշեցրել է, որ Դինքի սպանությունից հետո հազարավոր մարդիկ բողոքի քայլերթի էին դուրս գալիս փողոցներ և բացականչում, որ եթե Հրանտին հայ լինելու համար են սպանել, ուրեմն իրենք բոլորն էլ հայ են: Նա դժգոհություն է հայտնել, թե ինչու հիմա նույնը չեն անում սահմանն անցնելիս սպանված թուրք հովվի համար:

Գյուլբենը Թուրքիայի արտգործնախարարությունից պահանջել է հետևողականոթյուն ցուցաբերել պատասխանատուներին երևան հանելու հարցում:

«Մենք այդ կապակցությամբ նաև պատրաստվում ենք նամակ գրել Տրապիզոնում գտնվող ռուսական գլխավոր հյուպատոսությանը»,- ասել է «ASİMDER»-ի նախագահը:

Ermenihaber.am