Ստամբուլի Գեզի զբոսայգում կրկին բախում է տեղի ունեցել

Հասարակական09:05, 21 Օգոստոս 2013

Ստամբուլի Գեզի զբոսայգում կրկին բախում է տեղի ունեցել

Թուրքական «Ջիհան» լրատվական գործակալությունը հայտնում է, որ Գեզի զբոսայգի մտնել ցանկացող խմբի և ոստիկանության միջև բախում է տեղի ունեցել:

Ցուցարարների խումբը, որ Անթալիայից ժամանել էր քայլերթ անցկացնելու համար, ցանկացել է մտնել Գեզի զբոսայգի: Ոստիկանության կողմից հնչած ցրվելու կոչերին ընդդիմացած ցուցարարները նստացույց են արել:

Ոստիկանությունը ցուցարարներին ցրելու համար արցունքաբեր գազ է կիրառել: Դիմադրություն ցույց տվողներին ձերբակալվել են:

Նշվում է, որ ցուցարարներին աջակցություն են ցույց տվել քրդական «Խաղաղություն և ժողովրդավարություն կուսակցության» պատգամավոր Էրթուղրուլ Քյուչյուքը և հակակապիտալիստ մուսուլմանների ղեկավար Իհսան Էլիաչըքը:

Ինչպես տեղեկացնում է թուրքական «Վաթան» թերթ, խումբը հունիսի 18-ին Անթալիա քաղաքից «արդարության քայլերթ» էր սկսել և, անցնելով Էսքիշեհիրը, Բոլուն Դյուզջեն, Անկարան, հասել էին Ստամբուլ: 33 օրվա ընթացքում 1100 կմ անցած քայլերթի մասնակիցները Գեզի զբոսայգու համար պայքարի ընթացքում զոհված ակտիվիստների սպանության վայրերում ծաղիկներ են դրել:

Ermenihaber.am