Պոլսահայ գրողը` Էրդողանի մասին. «Նրան վռնդելու ժամանակը չէ°»

Հասարակական08:07, 23 Օգոստոս 2013

Պոլսահայ գրողը` Էրդողանի մասին. «Նրան վռնդելու ժամանակը չէ°»

Թուրքական «Մանշեթթիվի» լրատվական կայքը հայտնում է, որ պոլսահայ հայտնի գրող, լրագրող, լեզվաբան, Սևան Նիշանյանը Թուրքիայի վարչապետ Ռեջեփ Թայիփ Էրդողանի հասցեին վիրավորանք պարունակող արտահայտություններ է արել: Նիշանյանին բարկացրել է Էրդողանի հայտարարությունն այն մասին, թե Եգիպտոսի իրադարձությունների հետևում Իսրայելն է կանգնած:

Նիշանյանը, որին թուրքական դատարանը Մուհամեդ մարգարեին վիրավորելու մեղադրանքով ազատազրկման էր դատապարել, «Facebook»-ի իր էջում գրել է. «Այդպես խոսող մարդը հիմար է, եթե նա տաքսու վարորդ է, դեռ կարելի է մի 15 րոպե դիմանալ: Լավ, «հանդուրժողականություն» դրսևորենք, թող կես ժամ լինի: Բայց ախր այս մարդը 15 տարի է, ինչ ղեկին է: Նրան վռնդելու ժամանակը չէ՞»:

Հիշեցնենք, որ Էրդողանը «Արդարություն և զարգացում կուսակցության» (ԱԶԿ –AKP) նահանգային ղեկավարների ընդլայնված նիստի ժամանակ հայտարարել էր, որ Եգիպտոսում տեղի ունեցող դեպքերի հետևում Իսրայելն է կանգնած:

«Մեր ձեռքին կան դրա ապացույցները: 2011-ի ընտրությունների նախաշեմին Ֆրանսիայում կազմակերպված նիստի ժամանակ մի հրեա մտավորական է ասում էր. «Եգիպտոսի ընտրություններում «Մահմեդական եղբայրները» եթե նույնիսկ հաղթեն, միևնույն է, վերջնարդյունքում չեն հաղթանակելու, որովհետև ժողովրդավարությունը դա միայն ընտրությունները չեն»,- պատմել էր Էրդողանը