Անկարայի մետրոյում բացի համբուրվելուց, արգելվում է նաև կիթառ նվագելը

Հասարակական12:46, 05 Սեպտեմբեր 2013

Անկարայի մետրոյում բացի համբուրվելուց, արգելվում է նաև կիթառ նվագելը

Հերթական ուշագրավ դեպքն է տեղի ունեցել Անկարայի մետրոյում: Ըստ թուրքական «Ռադիկալ» թերթի` երեկ երեկոյան երեք երիտասարդներ, ուղևորներից թույտվություն ստանալով, Անկարայի մետրոյում կիթառ են նվագել ու երգել: Սակայն մետրոյի աշխատակիցները ընդհատել են նրանց ու իջեցրել վագոնից` ասելով, որ մետրոյում կիթառ նվագել չի թույլատրվում:

Հիշեցնենք, որ ամիսներ առաջ Անկարայի մետրոյում արգելվել էր նաև համբուրվելը`որակվելով «անբարո պահվածք»: Մետրոյում պարբերաբար հնչեցվող «Բարոյականության կանոններին հետևեք» ձայնային նախազգուշացումը առաջացրել է թուրք երիտասարդների դժգոհությունը: Այդ նախազգուշացումից «վիրավորված» քաղաքացիներն իրենց բողոքն արտահայտելու համար անցկացրել էին արտասովոր բողոքի ակցիա: Մի խումբ երիտասարդներ հավաքվել էին Անկարայի մետրոյի Քուրթուլուշ կայարանում և ի նշան բողոքի` հրապարակավ միաժամանակ համբուրվել: Ակցիան կրում է «Համբուրվում ենք մետրոյի Քուրթուլուշ կայարանում» կարգախոսը:

Ermenihaber.am