Վանում դժգոհ են. պատարագի մասնակիցների քանակը նվազել է

Հասարակական08:48, 10 Սեպտեմբեր 2013

Վանում դժգոհ են. պատարագի մասնակիցների քանակը նվազել է

Թուրքական «Հաբեր 3» կայքը Աղթամարի Սուրբ Խաչ եկեղեցում անցկակցված պատարագից հետո փորձել է պարզել հայերի ակտիվության ցուցանիշը:

Թուրքական «Անայիս» զբոսաշրջային ընկերության տնօրեն Աբդուլլահ Թունչդեմիրը նշել է, որ պատարագի մասնակիցների թիվը նվազել է, և դրա պատճառները պարզելու համար պետք ուսումնասիրություններ կատարել:
« Մարդկանց մոտ վախի զգացումը վերացնելու համար մեծ աշխատանք ենք կատարում: Անհրաժեշտ է հայերին տեղեկացնել, որ խաղաղության գործընթացի հետ միասին մեր նահանգում անվտանգության մթնոլորտը ամրապնդվում է: Դա հաջող կատարելու դեպքում, հավատում եմ, որ այցելուների քանակը կավելանա»:
Ըստ կայքի փոխանցման` Վանի հինգաստղանի հյուրանոցի տնօրենը այնքան էլ գոհ չէ այցելուների քանակից: Նա հայտնել է որ հյուրանոցի 75 տոկոսն է միայն զբաղված եղել: Դա էլ կարողացել են ապահովել, ոչ թե պատարագին մասնակցելու համար եկած հյուրերի, այլ հյուրանոցի հաճախորդների շնորհիվ:

Ermenihaber.am