Թուրքիայի մեջլիսում հայհոյող պատգամավորը քրեական պատասխանատվության կենթարկվի

Հասարակական07:07, 11 Սեպտեմբեր 2013

Թուրքիայի մեջլիսում հայհոյող պատգամավորը քրեական պատասխանատվության կենթարկվի

Թուրքական «Վաթան» թերթը հայտնում է, որ Մեջլիսի սահմանադրական բարեփոխումների հանձնաժողովում

«Արդարություն և զարգացում» (ԱԶԿ-AKP), «Ժողովրդահանրապետական»(ԺՀԿ-CHP), «Խաղաղություն և ժողովրդավարություն» (ԽԺԿ-BDP) կուսակցությունները համաձայության են եկել «իրավական անպատասխանատվության ու անձեռնամխելիության» հոդվածի շուրջ: Հոդվածում նշվում է, որ խորհրդարանում պատգամավորները խոսքի ազատության, տեսակետ արտահայտելու և հայտարարություններ անելու համար պատասխանատվության չեն ենթարկվի: Իսկ ահա հայհոյող պատգամավորի նկատմամբ կարելի է դատական գործ հարուցել՝ ենթարկելով քրական պատասխանատվության և փոխհատուցում պահանջելով:

Մեջլիսի լիագումար նիստի ժամանակ հայհոյած պաշտոնյայի նկատմամբ կկիրառվեն ներքին կանոնակարգային համապատասխան տույժեր, ինչպես օրինակ՝ նախազգուշացում և քննադատություն:
Ըստ նույն հոդվածի՝ պատգամավորի նկատմամբ փոխհատուցման հայց չի բացվի, եթե նա վիրավորել է մեկ այլ քաղաքացու կամ պաշտոնյայի առանց հայհոյելու:

Ermenihaber.am