Դիարբեքիրում բացվել է «Համընդհանուր խղճի» հուշարձանը

Հասարակական06:55, 13 Սեպտեմբեր 2013

Դիարբեքիրում բացվել է «Համընդհանուր խղճի» հուշարձանը

Դիարբեքիրի Սուր թաղապետարանը կազմակերպել է Անզալե զբոսայգում կառուցված « Համընդհանուր խղճի» հուշարձանի բացման արարողությունը, որին մասնակցել են տարբեր կրոնական համայնքների ներկայացուցիչներ:

Թուրքական «Էվրենսել» լրատվական կայքի փոխանցմամբ՝ արարողությանը մասնակցել են Սուր թաղապետարանի ղեկավար Աբդուլլահ Դեմիրթաշը, Դիարբեքիրի փոխքաղաքապետ Հաֆիզե Իփեքը, ասորական և հայկական եկեղեցիների հիմնադրամների ղեկավարներ Ջան Շաքերերը, Վարդգես Էրգյուն Այըքը, լրագրող Մկրտիչ Մարկոսյանը, քրդական «Խաղաղություն և ժողովրդավարություն» կուսակցությանը կից տարբեր կազմակերպություների ներկայացուցիչներ և բազմաթիվ քաղաքացիներ:
Արարողությունը սկսվել է մեկ րոպե լռությամբ:
Հուշարձանի բացման ժամանակ ելույթով հադես է եկել Սուրի թաղապետ Աբդուլլահ Դեմիրթաշը:

«Այլևս միմյանց տառապանք չենք պատճառելու: Իշխողների վարձու մարդասպանը էլ չենք լինելու»,- ընդգծել էր թաղապետը:

Իսկ հայկական համայնքի անունից հանդես եկող Մկրտիչ Մարկոսյանը հույս է հայտնել, որ այսուհետև այս փողոցում քրդերը, ալևիները և բոլոր ժողովուրդները կապրեն խաղաղ և եղբայրության մեջ:

Ermenihaber.am